Yuqarı şura dümyanı qırımatar halqınıñ genotsidini tanımağa çağırdı

08 Mayıs 2024

Ukraina Yuqarı şurası dünyanı 1944 senesi qırımtatar halqınıñ sürgünligini genotsid tanımağa çağırdı. UYŞ, facialı vaqianıñ 80. seneligi sebebinden halqara cemaatqa hitap etti.

317 mebus, bu qararnı destek etti.

Böylece, mayıs ayınıñ 18-inde Qırımtatar halqınıñ genotsidiniñ fedaları hatıra kününe Yuqarı şura öz qararında ülkelerni şunı yapmağa çağıra:

• 1944 senesi qırımtatarlarnıñ Qırımdan sürgünligini qırımtatar halqınıñ genotsid aktı olaraq tanımağa ve mayıs ayınıñ 18. künü qırımtatar halqınıñ genotsidiniñ fedaları hatıra kününi qayd etmege.
• Ukrainanıñ suverenitetini VİET ve Qırımğa qaytarmağa yardım etmege.
• Qabaatlılarnı mesüliyetke çekmek içün Rusiyeniñ Ukrainağa qarşı cenk cinayetlerinen bağlı Mahsus halqara makemeni teşkil etmege destek etmege.
• Ukrainanıñ bütün VİETını işğalden azat etmek maqsadınen ükümet ve parlament seviyelerinde Halqara Qırım platforması çerçivesinde tedbirlerge qatılmağa.
• BMTnıñ azası olğan devlet ve BMTnıñ Havfsızlıq Şurasınıñ daimiy azası olaraq Rusiyeden qırımtatarlarnıñ öz vekâletli institularını saqlamaq aqqınıñ sıñırlamasını ilâğu etmege, BMTnıñ Haqlara makemesiniñ qararına binaen Qırımtatar Milliy Meclisiniñ işini yañıdan başlatmağa talap etmege.