USQ yardımınen Qırım sakinleriniñ keyfi tamamınen deñişti — Çubarov

30 Noyabr 2023

Qırımda ealiniñ keyfi, Rusiyeniñ işğali başında olğanlardan tamamınen deñişti. 2022 senesi yaz mevsiminde başlağan USQniñ RF arbiy obyektlerine dos-doğru işi, Qırım sakinlerini inandıra ki, Ukraina yarımadanı mıtlaqa azat etecek.

Ukrinformğa tefsit etkende Qırımtatar Milliy Meclisiniñ başı Refat Çubarov bunı bildirdi, dep Suspilne haber berdi.

“2022 senesi arman ayından soñ Qırım sakinleriniñ keyfi tamamınen deñişti. Bundan evel olarnıñ aynı lafları ber edi ve bu laflar olarğa yardım etti. Ruslarnıñ arbiy obyektlerine şiddetli ateş açmağa başlağan soñ bu faal areketler, bizni beklegen insanlarnı inandırdı”, — dep ayttı o.

Bundan ğayrı, o qayd etti ki, Ukrainağa sadıq qalğan yüz biñlerce insan, Qırımnıñ işğalden azat etilecegini bekleyler. Şu cümleden, er kün olar “inandırıcı malümat qıdıralar” ve USQ olarnıñ işançını pekiteler.

Amma, Çubarovnıñ sözlerine köre, RF ve Ukrainağa tolu miqyaslı tecavuzını destek etken insanlar da bar. Olardan ğayrı, Qırımğa köçip yerleşken deyerli million yañı insan bar.

“Elbette, olarnıñ keyfi tamam zıttır. Bu insanlarnıñ qısmı Qırımdan ketmege planlaştıra, amma olar arasında telâş köçmesi yoq”, — dep Meclisniñ başı qayd etti.

Bundan başqa, soñ vaqialar vastasınen Qırımdaki taşınılmaz mülk alış-verişi azlaştı. Bu da köstere ki, ruslar Qırımğa kütleviy olaraq ketmeyler.