Ukrainanıñ tamır halqları, öz saqlanuvı ve inkişafına dair kefaletlerni almalılar – Çubarov

25 Mayıs 2023

Ukrainanıñ tamır halqları – qırımtatarlar, karaimler, qırımçaqlar – Qırım işğalden azat etilecek soñ öz saqlanuvı ve inkişafına dair siyasiy, uquqiy ve iqtisadiy kefaletlerni almalılar.

“2020 senesi kiçik aydan soñ qırımtatarlar” mevzusında Avropa parlamentiniñ konferentsiyasında Çubarov bunı bildirdi, dep Ukrinform haber berdi.

– Ukrainanıñ Avropa Birligine, serbest ve azatlıqnı sevgen halqlarnıñ ailesine, kirişine soñ azırmalar basamağında ukrain siyasetiniñ ve cemaatınıñ demokratiyanıñ qıymetlerleriniñ ve printsipleriniñ universalligini añlamaları pek müimdir. Olar esasında mustaqil demokratik Ukraina devletini inkişaf etmelimiz. Tamır halqlarınıñ deklarativ degil, öz saqlanuvı ve inkişafına dair kerçek siyasiy, uquqiy ve iqtisadiy kefaletlerni alacaqları devletni. Hatırlatam ki, üç tamır halqı – qırımtatarlar, karaimler, qırımçaqlar – Qırımnıñ toprağında peyda oldı, – dep Çubarov ayttı.

O qayd etti ki, qırımtatalarnıñ tek nazar noqtası böyle: yarımadanın toprağında teşkil etilgen Qırım Muhtar Cumhuriyeti ve Aqyar şeeri milliy-topraq muhtariyetine deñiştirmeli. O, Ukrainanıñ ayırılmaz qısmı qalacaq ve oña dair Ukraina Qanunnamesiniñ tesbit etkeni vekâletler qullanılacaqlar.

Çubarovnıñ sözlerine köre, rus-ukrain cenki bitken ve halqara olaraq tanınğan sıñırlarda Ukrainanıñ topraq bütünligi qaytarılacaq soñ halqara cemaat, Moskvanıñ revanş alma kiçik imkânını bile yoq etecek siyasiy, uquqiy tedbirlerni tasdıq etmege mecburdır.

– Bu tür tedbirler arasında Ukrainanıñ topraqlarında işkence ve zorbacılıq, zalımlıq yapqan ve öldürgen bütün rus askerlerini ve içtimaiy memurları, propagandacıları, rusiye silâlı quvetleri ve rus işğal memuriyetleriniñ terkibindeki başqa cinayetçilerge üküm çıqaruv ve olarnı cezalandıruv mıtlaqa olmalı, – dep Meclisniñ başı qayd etti.