Qırımtatar partizanları rus gvardiyasınıñ zabitlerini yoq eteler

01 Fevral 2023

İşğal etilgen Qırımda qırımtatar partizanları, rus gvardiyasınıñ eki zabit-işğalcisini patlattılar. ATEŞ partizan areketiniñ Telegramında bu aqqında haber berildi.

– ATEŞ çalışa. Minus rus gvardiyasınıñ eki zabiti! – içtimaiy ağlarda böyle metinnen video yayınlandı.

Qırımtatar partizanları, muvafaqiyetnen keçirilgen rus gvardiyasınıñ eki müim kişisini yoq etüv operatsiyası aqqında haber berdiler. Videoda ateş körüne – beyanatlarğa köre, işğalciler maşnasında patlatıldı.

– Böyle cinaiy teşkilâtta bizim insanlarımız, Aqyar şeerinden Aqmescitke ketmege aşıqqan rus gvardiyasınıñ eki pek müim kişisini yoq etmege becerdiler. Ketmediler, maşnada yandılar, – dep partizan teşkilâtı bildirdi.

Maşna, öz ellerinen yapılğan patlayıcı vastasınen yanıp patladı. Partizanlar, bunıñ tek bağşlanğıç olğanını söz bereler.