Menu

Qırımda Bohdan Ziza adlı ressam «terrorcılıq» içün yañıdan qabaatlandırıldı

24 Noyabr 2022
Qırımda Bohdan Ziza adlı ressam «terrorcılıq» içün yañıdan qabaatlandırıldı

İşğal etilgen Qırımda Bohdan Ziza adlı ressam ve faalci, terrorcılıqtan ğayrı yañı eki maddege mücibi qabaatlandırıldı, dep Qırım.Aqiqat, Prezidentniñ Qırım Muhtar Cumhuriyetindeki vekilligine atıf eterek, haber berdi.
Müessiseniñ bilgilerine köre, şu anda Zizağa qarşı RF CQniñ 4 maddesinde mücibi (şu cümleden, 205 maddesiniñ terror aktı 1. qısmı; 205 maddesiniñ terror aktını keçirüv telükesi 1. qısmı; 205.2 maddesiniñ terrorcılıqqa çağıruv 2. qısmı; 214 maddesiniñ siyasiy fikirlerge varvarlıq 2. qısmı) dava açıldı.

– Bugün Bohdan Zizanıñ doğğan künü. Öz 28. doğğan kününi o, qanunsız epislikte apishanede qayd ete. Mısqıllı ki, tamam onıñ doğğan kününe işğal memuriyeti onıñ davasına terrorcılıq aqqında eki yañı madde qoştı. Rusiye, barışıqqa ıntılğan kişini terrorcılıq içün absurd tarzdında qabaatlandıra. Aynı vaqıtta Rusiye özü Ukrainanıñ bütün topraqlarına kütleviy olaraq ateş aça – insanlarnı elektrik, suv ve alâqadan marum ettire, qabaatsız ayatlarnı ala. Buna köre terrorcı kimdir?, – dep ukrain müessisesiniñ beyanatında yazıldı.

Ukraina Prezidentiniñ Qırım MCnde vekilligi qoştı ki, belik yañı senege qadar Bıhdan Zİzanen alâqa coyula bilir, çünki o Aqmescitten Rostovğa ketirilir.