Nyü-Yorkta cami ve Qırımtatar medeniyet merkezi açıldı

21 Sentâbr 2023

Nyü-Yorkta (AQŞ) cami ve medeniyet merkezinden ibaret olğan Qırımtatar cemiyetiniñ açılış merasimi keçirildi.

Türk haber agentligi Kırım Haber Ajansı bu aqqında haber berdi.

Qırımtatarlarnıñ amerika cemiyetiniñ sabıq başı ve Assotsiatsiyanıñ nezaret şurasınıñ başı Huriye Altan bildirdi ki, 1971 senesi qırımtatar cemiyeti içün bu bina alındı.

“Bu, pek eski tikiş fabrıqası binası edi. O zaman bizim cemiyetimizniñ azaları onı öz ellerinen tamir ettiler. Bina üç qatlıdır. Mında konferentsiya zalı bar edi, bundan soñ studentler (bazar künü mektebi) içün sınıflar bar ediler, birazdan da cami oldı. Biz epimiz eski elektrik tel ağını yoq etip onı tamamınen deñiştirdik. Şeerniñ memuriyetinden alğanımız izinler çerçivesinde eki sene devamında qurucılıq işlerini yapa edik”, – dep ayttı o.

Qırım cemiyeti uzurındaki cemi, 250 insan içire bilir. Anda imam içün mesken ve cesetlerniñ suvlâdı içün oda bar.

Cemiyetniñ binasında çeşit-türlü körüşüvler, konferentsiyalar, iftar, nikâh keçirilecektir. Bundan ğayrı, anda büyük bir aşhane ve restoran, oyun zalı, improvizatsiya müzeyi bar.