Beş saat devamında rus quvetçiileri qırımtatarlarnı buğavlarda tuta ediler

14 Sentâbr 2023

Qırımda tahminen beş saat devamında rus quvetçileri, “beşinci Bağçasaray gruppası” davasında epis etilgen altı qırımtatar adamını buğavlarda tuta ediler. Qırım.Aqiqat bu aqqında haber berdi.

Advokat Edem Semedlâyevniñ sözlerine köre, tutulğan adamlar koridordaki skemlelerde oturğan, elleri aqrasında buğavlarnen bağlanğan, közleri qapatılğan, başları tizlerine egilgen.

“Olar meni körmediler. Men yüksek sesnen selâmlaştım, olar cevap berdiler, amma közlerini açmadılar. Men añlattım ki, olarğa bu şekilde oturmağa  ve ellerini arqasında tutmağa qaba tarzda emir ettiler, bir yerge baqmağa, bir-birinen laf etmege yasaqladılar”, – dep advokat qoştı.

Taqiqatçı Vitaliy Vlasov bu tedbirlerni böylece añlattı: olarnıñ binasında bir insan özüni öldürmege tırıştı, tutulğanlarnı yerleştirecekleri yer sanki qapalı.

Arman ayınıñ 24-ünde Qırımnıñ Bağçasaray şeeri ve Bağçasaray rayonında rus quvetçileri Ruslan Asanov, Seydamet Mustafayev, Remzi Nimetulayev, Abdulmecit Seitumerov, Amethan Umerov ve Eldar Yakubovnıñ evlerini tintken soñ Aqmescitteki RF FSBniñ binasına olarnı ketirdiler. Arman ayınıñ 25-inde rusiye makemesi, tutulğan adamlarını eki ayda SİZOğa oturttı.