Qırımtatar Milliy Meclisi 33. seneligini qayd ete!

30 Iyün 2024

1991 senesi bozarğan aynıñ 30-nda qurulğan icraiy-temsiliy organ, onıñ başı Refat Çubarovnıñ sözlerine köre, qırımtatarlarnıñ öz-özüni idare etüvine başlanğıç berdi.

“Bu ğayet büyük, tarihiy bir vaqia edi! Ondan soñ er dört sene, soñra biz vaziyetni deñiştirdik, er beş sene Qurultaynıñ yañı terkibini saylay edik”, — dep Çubrov qayd etti.

Rusiye Qırımnı işğal etmeden evel deyerli 300 meskün yerde yerli Meclisler teşkil etidi, olar arasında 15 rayon ve 7 şeer Meclisi teşkil etildi. Yarımada işğal etilgen soñ ruslar, qırımtatarlarnıñ temsiliy organını “aşırıcılıq teşkilâtı” olaraq tanıdılar. Moskvanıñ kontrol etkeni akimiyet Refat Çubarov ve Mustafa Cemilevge yarımadağa ketmege yasaq etti. Meclisniñ başınıñ eki muavini — İlmi Umerov ve Ahtem Çiygöz maküm etildi. Birazdan Türkiyeniñ yardımınen olarnı deñiştirdiler. Deyerli üç sene Meclisniñ başınıñ birinci muavini Nariman Celâl apishanede keçirdi, sahte dava çerçivesinde işğalli makeme onı 17 senege maküm etti. 2024 senesi bozarğan aynıñ 28. künü deñişüv çerçivesinde Celâl azat etildi.

Refat Çubarovnıñ sözlerine köre, Qırım işğal etilmeden evel, Meclis, sürgünlikniñ neticelerini yoq ete edi. Qırımtatar halqınıñ sürgünligi — Şura birliginiñ Qırımnıñ tanır halqına qarşı yapqanı genotsiddir. 

2014 senesinden soñ Meclis qıtaviy Ukrainağa köçip kelmege mecbur olğan soñ yañı vazifeleri peyda oldı.

“Qırımtatar urufatını latinge çevirmek içün biz pek çoq iş yapamız. Tasil saasındaki işlerimiz aqqında laf etsek. Amma añlayşılır ki, esas diqqatımız ve ğayretlerimiz Qırımnıñ işğalinden azat etilmesine celp etile. Kıyivde yapqanımız deyerli er şey, Qırımnıñ nasıl azat etilecegi ve anda nasıl inkişaf etecegimiznen bağlıdır”, — dep Meclisniñ başı qayd etti.

2021 senesi Ukraina Yuqarı Şurası, “Ukrainanıñ taqmır halqları aqqında“ qanunını qabul etti. Oña binaen, Meclis qırımtatar halqınıñ temsiliy organı resmiy statusını almalı. Lâkin Nazirler Kabineti, bu qararnı qabul etmedi.

Suspilne Qırımnıñ malümatına köre.