“Saçmalıq” – Elzara Batalova işğalcilerniñ ukrain yırlarını çalma yasağı aqqında

15.09.2022

Qırımtatar yırcısı, Ukrainada ve Qırımda nam qazanğan sanatkâr Elzara Batalova yarımadada ukrain muzıkasını halq ögünde çalma yasağını işğal etilgen Qırımnıñ rus reberleriniñ zayıflığı olaraq tanıdı.

QIRIM.Newske tefsit bergende o, bu tür qararlarnı saçmalıq adlandırdı.

– Ukrain muzıkasınıñ yasağını saçmalıq olaraq tanıyım. Bu tür qararlar, rus reberleriniñ tek zayıflığını köstereler. Qırımdaki haqlımız zor bir alda buluna, olar ise em de muzıkağa iliştiler. Qırımnıñ vatandaşlarınıñ aqıl-fikirliligine ve insanlığına ümüt etem, – dep ayttı.

Batalova işğal etilgen Qırımda genç insanlarnı muzıka içün taqip etmemege çağırdı. Aynı zamanda Ukrainada nam qazanğan sanatkâr, Mıhaylo Bulhakovnıñ ukrain qorqulığı içün qabaatlanmasını destek etmedi.

– Tamamınen saçmalıq olğanını tüşünem. İnsanlar tarihqa baqıp neticeler yapmaylar. Medeniyet ve klassikke caillik yahşı bir şeyge yol açamaycaq, – dep ayttı.