«Ziyaret» operatsiyası: Qarasuvbazar rayonında işğalciler kütleviy teşekerüvler yapalar

16 Yanvar 2023

Qırımtatar maaliy merkeziniñ İdaresiniñ Başı Eskender Barievniñ bilgilerine köre, işğal etilgen Qırımdaki Qarasuvbazar (Bilohirsk) rayonınıñ deyerli bütün köylerinde işğalciler azbarlarnı kütleviy olaraq nezaret eteler.

Qırımtatar maaliy merkezi bu aqqında haber berdi.

Qayd etildi ki, çoqusı allarda qırımtatarlarnıñ azbarlarını ziyaret eteler. Bu operatsiyanıñ adı «Ziyaret»tir.

– Olar ealini cedvelge alalar, qaç maşna bar olğanı, evde qaç kişi yaşağanı, silâ olıp olmağanınen meraqlanalar. Qomşularnıñ bilgileri, binada yaşağan yetişkenlerniñ sayısı, kim ve qayd çalışqanını ögreneler. Bazı da araba qapını de bozalar, – beyanatta yazıldı.

QMM, Qırımnıñ bütün sakinlerini işğalcilerniñ böyle areketleri aqqında haber bermege çağırdı.

– Aşağıda, bu tür ziyaret keçirgen rus polis hadimleriden biriniñ fotosı, – dep QMM qoştı.