Menu

Yüksel: Diasporanıñ qırımtatar milliy-topraq muhtariyeti meselesindeki rolü müimdir

23 Noyabr 2022
Yüksel: Diasporanıñ qırımtatar milliy-topraq muhtariyeti meselesindeki rolü müimdir

Qırımtatar diasporasınıñ qırımtatar milliy-topraq muhtariyeti meselesindeki rolü müimdir. Qırımtatar Milliy Meclisiniñ azası Gayana Yüksel QIRIM.Newske bunı añlattı.

Onıñ sözlerine köre, yaqın kelecekte Qırımnıñ taqdiri, işğalden azat etilecek soñ nasıl olacağı, qırımtatarlarnıñ andaki rolü nasıl olacağı ve qırımtatar milliy topraq muhtariyetiniñ yaratılıp yaratılmaycağı belgilenir.

Yüksek bildirdi ki, dünyanıñ 15 ülkesinde qırımtatarlar yaşaylar, şimdi ise cenk şartlarında diasporanıñ yerleşmesi 20 üklege arttı.

– Türkiyedeki qırımtatar diasporası – eñ büyük bir diasporadır. Türkiyede tahminen 5 mln qırımtatar yaşay. Anda 40 qırımtatar dernegi (diaspora teşkilâtı) çalışa. Yani er biri insanlarnı destek etmek içün ğayret köstere. Firkimce, mında insanlarnıñ ve Meclisniñ ğayretleri müim, – dep ayttı.