Qırımtatar halqınıñ genotsid fedalarınıñ hatıra kününe Kıyivde “Öz qalbiñde alev yaq” aktsiyası olıp keçecek

12.05.2026

Qırımtatar halqınıñ genotsid fedalarınñı hatıra kününe Kıyivde “Öz qalbiñde alev yaq” memorial aktsiyasına qatılmağa çağıramız.

Mayıs ayınıñ 18-nde, SSCBniñ kommunist rejimi tarafından etilgen qırımtatar halqınıñ öz Vatanı olğan Qırımdan sürgünliginiñ 82-nci yıllığında, Kıyiv ve Ukrayinanıñ başqa şeerlerinde memorial tedbirleri olıp keçecek.

Añlaşılır ki, cenkiy vaziyetke baqqanda, yuqarı devlet memurlarınıñ iştirakinen paytahttaki ayrı tedbirler ayrı havfsızlıq qaideleri altında keçirilecek, bu da tedbir iştirakçileriniñ sayısını sıñırlay.

Aynı zamanda er bir qırımtatar oğlanı ve qızı içün mayıs ayınıñ 18-nci künü ve arefesinde öz vatandaşları yanında olmaq soñ derecede müimdir. Biz, ayrıca eñ zor zamanlarda birlik ve birdemlikni saqlap qalğan halqmız.

Cemaatnıñ istegini añlayaraq, “Öz qalbiñde alev yaq” memorial aktsiyasını keçirmek içün biz mayıs ayınıñ 17-nde aqşam maalinde toplaşacaqmız. Bu sene mayıs ayınıñ 17-nde – sürgünlik yıllığı arfesinde – Siyasiy repressiyalar fedalarınıñ hatıra künü qayd etildi, bu da tedbirniñ manası daa teren ete.

Biz sizni, bizim taziyelerimiz, itibarımız ve dayanıqlığımıznıñ timsali olğan bu ayrı ve müim aktsiyanıñ parçası olmağa çağıramız. Tebirden evel siyasetçiler, cemaat erbapları, arbiy hızmetçiler çıqışta bulunacaqlar, iştirakçiler bir-birinen subetleşe bilecekler.

HATIRANIÑ BİRLEŞTİRGENİ, GÖÑÜLLERNİÑ IŞIĞINIÑ SÖZDEN DAA SESLİ OLĞANI BOŞLUQNI BERABER YARATAYIQ. 

Programmada: birlikte hatıra çıraqlarını yaquv, añma daqqası, qısqa çıqışlar ve şahsiy ikâyeler, şaatlıqlarnıñ oqunması.

Bu, aktsiyadan daa çoqtır. Bu, bizim beraberlikte yapılğan hatıra ve mesüliyet areketimizdir.

Mayıs ayınıñ 17-si saat 20:00 – 21:30

Barışıq şeer bağçası, Lıbidska metro stantsiyası Qırımtatar halqınıñ genotsid fedalarını añma memorialı

Öz başıñızğa, dostlarıñız ve aileleriñiznen beraber keliñiz. Öz çırağıñıznı yaqıñız – ve hatıranı biznen beraber saqlañız.