Bağçasarayda qırımtatar milliy areketiniñ veteranı Asan Cemilev vefat etti

05.04.2026

Qırımtatar Milliy Meclisi qırımtatar milliy areketiniñ veteranı Asan Cemilevniñ ölümi sebebinden samimiy taziyelerini bildire.

2026 senesi çiçek ayınıñ 4-nde Bağçasarayda 89 yaşında olğanda Asan Cemilev vefat etti. O, sürgünlik, repressiyalar ve yıllarnen devam etken küreşke baqmadan, vatanına qaytmaq inancını saqlağan nesilden edi.

Onıñ ayat yolu qırımtatar halqınıñ aqları, şerefi ve kelecegi oğrunda küreşinen bağlıdır. O, qırımtatar halqınıñ lideri Mustafa Cemilevniñ ağası edi.

Bu ğayıp bütün qırımtatar halqı içün acıdır. Qırım kene de işğal altında bulunğan vaqıt, bizler azatlıq oğrunda küreşke bağışlanğan er bir ayatnıñ qıymetini daa ziyade duyamız.

Asan ağanıñ tuvğanları ve yaqınlarına samimiy taziyelerimizni bildiremiz. Acı ve kederni paylaşamız. Asan ağa aqqında aydın hatırası qırımtatar halqınıñ tarihında ve yüreklerimizde ebediyen qalacaq.

Allah rahmet eylesin.