USQniñ askeri Asan Seydametov defin etildi

25 Yanvar 2023

2023 senesi yanvar ayınıñ 23-ünde Ukrainanıñ şarqında rus varvarlarınen cenkleşkende elâk olğan ukrain askeri, dört balanıñ babası, qırımtatar Asan Seydametov defin etildi.

– Qırımtatar Milliy Meclisiniñ vekili olaraq ve şahsen Asan Seydametovnıñ yaqınları ve aqrabalarına – babası Dilâver, anası Lemara, apayı – Gülnara, qızları – Zarema, Elzara, Vernera, Sofiya, qız torunı Evelina, ağaları Yakub, Ayder, Ahtem, qız qardaşı Arzığa açıq göñülden taziye bildirem, – Facebookta Çebarov yazdı.

Allah rahmet eylesin!