USQ içün dronlarnı almaq içün Eskender Bariyev para topladı

15 Sentâbr 2022

Fotoresim: Eskender Bariievniñ Facebook saifesi

Meclisniñ azası, Qırımtatar Maaliy Merkeziniñ idaresiniñ başı Eskender Bariyev Ukraina Silâlı Quvetlerine bir dron almaq içün 120 biñden ziyade grivna topladı, lâqayt olmağan kişiler bu para onıñ doğğan kününe bağılşadılar. Öz Facebook saifesinde bunı añlattı. 2022 senesi iyül ayınıñ 23-ında içtimaiy ağda Bariyev tamam bir dron almaq içün para toplamağa istegenini bildirdi.

– Hayaller yerine keleler…Doğğan künü er kes hayallerimizniñ yerine kelecegini hayal ete. Endi çoq senedir öz doğğan kününe qaysı ediye olmağa istegenimni tüşünmey edim. Bu sene ise istisna oldı. Ukrain ordusına bere bilecegim bir ediye (Mavic 3 dronu) almağa hayal ettim…Biz 12000 biñden ziyade grivna topladıq!, – dep Bariyev bildirdi.

O qayd etti ki, dünyanıñ bütün yerlerinden Bariyevni ve Qırımtatar Maaliy Merkezini hayırlağan arqadaşlar yardımınen onıñ hayali yerine keldi.

– Onıñ ketirilmesini çoq bekley edik, amma endi tünevin USQden oğlanlarımızğa, bu cümleden Redison ast bölüginiñ ava istihbaratınıñ bölügine, bu dron bermege becerdik, – Bariyev yazdı.

O añlattı ki, Mavic 3 – DJI şirketiniñ eñ yañı modellerinden biri olğan kvardokoptertir. Dron, 4K formatında video çıqara bilgen kameranen ve gece maalinde video çıqarmaq içün teplovizornen donatılğandır.

– Cenk epimizniñ ayatını tamamınen deñiştirdi, tınç yaşayışnı ve barışıqnı qaytarnaq ise eñ müiş vazifemiz oldı, bunıñ içün bütün quvetlerimiz ve isteklerimizni ğalebemizge yollayıq!, – dep Bariyev qayd etti.