Türkiyede Qırımtatar teşkilâtları platformasınıñ oturışı keçirildi

23 Noyabr 2022

Noyabr ayınıñ 19-ında Türkiye Cumhuriyetindeki Eskişehir şeerinde Türkiyedeki qırımtatar teşkilâtları platformasınıñ oturışı keçirildi.

Tedbirde iştirak etken Qırımtatar Milliy Meclisiniñ azası ve Meclisniñ milliy KHVnı inkişaf etüv meseleleri idaresiniñ reberi Gayana Yükselniñ bildirgenine köre, mezkür Platforma Türkiyedeki üç fond, 31 qırımtatar cemiyet teşkilâtı ve dört teşebbüs gruppasını birleştirdi.