Türkiye, Qırımda qanunsız referendumnıñ seneligine bağışlanğan ilân yayınladı

16 Mart 2023

Ukrainanıñ parçası olğan Qırım Muhtar Cumhuriyeti, halqara uquqqa qarşı ve doquz sene evel o kün (saban ayınıñ 16-sında) keçirilgen qanunsız referendum vastasınen aneksiya etildi.

Ukrainadaki Türkiye elçiliginiñ ilânında bu bildirildi.

– Aneksiyanıñ seneligi sebebinden vaziyetni tanımağanımıznı bildiremiz, Ukrainanıñ mustaqilligi ve topraq bütünligini destek etmege tasdıqlaymız, – dep Türkiye elçiligi ilân etti.

Diplomatik korpus qoştı ki, Ankara içün Qırımnıñ tamır halqına – qırımtatarlarğa – dair vaziyet prioritetlidir ve inandırdılar ki, olarnıñ öz identligini saqlanmaları, Qırımda vatanınad telükesizlikte ve sakinlikte yaşamaları içün Türkiye qırımtatarlarğa yardım etmege devam etecek.