Tintüvlerden soñ işğalciler, faalci Rolan Odmanovnı tuttılar

15 Mart 2023

Qırımnıñ Aqmescit rayonındaki Çoyunçı köyünde rus quvetçileri tintüvlerni keçirgen soñ içtimaiy jurnalist, qırımtatar faalcisi Rolan Osmanovnı tuttılar. “Qırım birdemligi” içtimaiy birleşmesi bu aqqında haber berdi.

Aqmescit şeerindeki rf tfhniñ idaresi binasına faalcini ketirdiler. Advokat Edem Semedlaevni oña yibermeyler.

Ailesine tintüv protokolını da bermediler. Apayınıñ cep telefonını alıp çıqardılar.

2019 senesi Osmanovnıñ evinde “operativ-qıdıruv tedbirleri” keçirildi. O zaman quvetçiler bildirdiler ki, sanki narkotikler qıdıra ediler, amma soñunda iç bir şey tapmadılar.

Berim ayında RFnıñ kontrol etkeni Kıyiv rayonındaki Aqmescit makemesi, jurnalistniñ rus ordusını «itibardan tüşürgeni» içün onı 40 biñ rublege cezalandırdı.

Rolan Osmanov – Qırımda yaşağan faalci, içtimaiy jurnalist ve spikerdir. Keçenlerde Hansaray yanındaki numayışta iştirak etti. “Yañıdan tamir etüv” şeklinde onıñ qapatılmasına qarşı narazılığını kösterdi.