Sürgün etilgen ukrain balalarını qıdıruv sebebinden Qırımda insan azaplandı

16 Oktâbr 2023

Ketirilgen ukrain balalarınıñ bulunğanları yerlerni ögrenmege tırışqan insan Qırımda tutuldı ve azaplar çekti. OSCE insan ölçesi konferentsiyasında “İnsan aqları bölge merkezi” içtimaiy teşkilâtından Katerına Raşevska añlattı, dep Qırım.Aqiqat mühbiri haber berdi.

Onıñ bilgilerine köre, bundan soñ cemaat erbapları qarar bediler ki, yarımada topraqlarında bu tür bilgilerni toplamaycaqlar, çünki bu, qıdıruv ceryanlarıda yardım etmege azır olğan insanlar içün pek telükelidir. Aynı zamanda Raşevskanıñ sözlerine köre, rus teşviqatçılar çoq malümat yayınlaylar, bu da balalarnıñ sayısı ve olarnıñ mecburiy sürgünliginiñ hususiyetleri aqqında bazı bilgilerni añlamağa yardım ete. Faqat bazı allarda rusiye akimiyeti, balalarnıñ qıdırılıp olmaları içün olarnıñ bilgilerini tamamınen deñiştire.

Umumen, uquq imayecileriniñ bilgilerine köre, 19546 ukrain balası, rus ya da belarus topraqlarına mecburen sürgün etilgen olaraq tanındı. Tolu miqyaslı cenkten soñ bir buçuq sene boyunca tahminen 300 bala mufavaqiyetnen qaytarıldı. Mütehassıslarnıñ esaplamalarına köre, eger vaziyet deñişmese, tahminen 80 senede soñ qurbanlarnı qaytara bilirmiz.