Siyasiy mabüs Memet Belâlovnı ŞİZOğa ketirildi

07 Iyül 2023

Novhorod vilâyetindeki (rusiye) müstemlekede bulunğan siyasiy mabüs, Hizb ut-Tahrir davasınıñ “ekinci Bağçasaray gruppası”nıñ iştirakçisi Memet Belâlovnı ceza izolâtorına ketirildi, çünki közetici kamerağa kirmeden evel kömlegini kiymege yetiştirmedi.

Siyasiy mabüsniñ apayı Ediye Belâlova bu aqqında haber berdi, dep Ukrinform bildirdi.

• Kerçekten de qırımtatarnıñ ŞİZOğa ketirilmesiniñ sebebi kömlek oldı. Suvlât yapqanda kamerağa közetici kirdi ve o, uzun yeñli kömlekni kiymege yetiştirmedi. İşçi bunı bozma olaraq tanıdı. Belâlovnı ceza izolâtorına 7 künge ketirildi, – dep bildirildi.

Belâlovnıñ apayınıñ sözlerine köre aqayı ŞİZOda bulunğan vaqıt oña yañı “bozmalar”nen raportlarnı ketirgenler.

Ediye Belâlova qayd etti ki, müstemlekede aqayına tesir etkenler, soñ eki ay devamında onı çoq kere ŞİZOğa ketirgenler.

Bildirildi ki, 2017 senesi ekim ayında vaqtınca işğal etilgen Qırımda kütleviy tintüvler vaqtında TFHniñ işçileri, Memet Belâlov ve daa beş qırımtatarnı tuttılar. Olarnı islâm siyasiy fıqrası Hizb ut-Tahrirniñ faaliyetine ait olmağa qabaatladılar. 2020 senesi berim ayında Belâlovnı 18 senege maküm ettiler.