Siyasiy mabüs Bohdan Zizanıñ mide meseleleri peyda oldı

11 Iyül 2023

Rus makemesiniñ 15 senege maküm etkeni Kezlevden ressam Bohdan Ziza açlıq çekke soñ mide meseleleri peyda oldı. Qırım.Aqiqatqa bunı qardaşı Oleksandra Barkova añlattı.

“Bohdan aşamay, mide meseleleri bar. Soñ alğanım malümat – uzun açlıqtan soñ vucudı aşnı menismemey. Yazıq ki, tafsilâtlarını bilmeyim, şu anda iç kimse bilmey – Bohdan izolâtsiya etildi”, – dep qayd etti o.

Rus ekimleriniñ Zizanıñ sağlıq meseleleri sebebinden oña tibbiy yardım berip bermegenine cevap berip, Barkova şunı ayttı: “Anda ekimler pek siyrek bir şey yaparlar. Bunıñ içün ‘yoq’ ayta bilirmiz. Bir şey aytmaq zor, çünki İrına Danılovıç ve başqa insanlarnı ne alğa ketirgenlerini bilemiz. Bunıñ içün men şubelenem ki, oña tibbiy yardım bereler”.

Bozarğan aynıñ 10-unda siyasiy mabüsniñ qardaşı Qırım.Aqiqatqa haber berdi ki, Bohhdan Ziza açlıq çekmege qarar berdi. 17 kün soñ açlıq çekmege bitirem, dep bildirdi – bu vaqıt devamında 10 kg azdı ve daa ciddiy kontrolnen kamerağa izolâtsiya etildi.

Bozarğan aynıñ 6-sında Rostov-na-Donudaki rus Cenübiy bölge arbiy makemesi Bohdan Zizanı 18 senege maküm etti.