Siyasiy mabüs Boğdan Ziza “Vladimirskiy tsentral”ğa etap ettiler

30 Yanvar 2024

15 senege maküm etilgen Kezlevden ressam ve faalci Boğdan Zizanı “Vladimirskiy tsentral” rus apishanesine etap ettiler.

Qırım uquq qorçalayıcı gruppası (QUQG) bu aqqında haber berdi, dep Suspilne bildirdi.

Bildirildi ki, uzun etap ceryanından soñ qara qış ayında faalcini Rusiyeniñ Vladimir şeerindeki 2. apishanege (Т-2) “Vladimirskiy tsentral”ğa ketirdiler.

Bilgenine köre, berim ayınıñ 27-sinde Vlasıstaki Arbiy apellâtsiya makemssi Zizanıñ ükümini deñiştirmege qarar bergen sıñ faalcini Novoçerkasktan etap ettiler. Permdeki 29. müstemlekede vaqtınca buluna edi.

Hatırlatamız ki, Vladimirskiy tsentral, 18. asırnıñ soñunda qurulğan ayrıca telükeli cinayetçiler içün belli rus apishanesidir. Şimdi anda çoq ukrain siyasiy mabüsini, şu cümleden Oleh Prıhodko, İhor Kupıç, Asan Ahtemov, Appaz Kurtamet, Amet Süleymanov ve başqalarını, tutalar.