Siyasiy mabüs Amet Süleymanovnıñ bulunğanı yer alâ daa belli olmay – uquq qorçalayıcılar

28 Sentâbr 2023

Arman ayınıñ soñunda Aqmescştteki SİZOdan mğstemlekege etap etilgen ve qalp hastalığını çekken siyasiy mabüs Amet Süleymanovnıñ ailesi, onıñ şu anda bulunğanı yerni alâ daa bilmey.

“Qırım birdemligi” bu aqqında haber berdi, dep Ukrinform bildirdi.

– Arman ayınıñ soñunda ağır hastalanğan Amet Süleymanovnı Aqmescitteki 2. SİZOdan etap ettiler – onıñ bulunğanı yer alâ daa belli olmay. Lilâ Gemeci, “Qırım birdemligi”ne bunı añlattı, – dep bildirildi.

Qorçalayıcınıñ sözlerine köre, berim ayınıñ 27-sinde Aqmescite Zaliznıçnıy rayonı “makemesi”nde bir oturış keçirmege planlaştırdılar. Anda hastalığı sebebinden Süleymanovnı azat etüv meselesi baqılacaq edi, amma video bağı vastasınen o, qatılmadı.

Bildirildi ki, “siyasiy mabüsni Volodımırğa yolladılar, dep ailesine ayttılar, onıñ ne zaman o yerge ketecegi belli olmay”

– Kelecek oturış ne zaman keçirilecegi de belli olmay – prokuror bildirdi ki, Süleymanovnıñ bulunğanı yerge, yani Volodımırğa mücibi dava ceryanını yollamaq kerek. Makeme, bu talapnen razı oldı, – dep bildirildi.

2021 senesi ekim ayınıñ 29-ında Rostov-na-Donudaki (Rusiye) Cenübiy bölge arbiy makemesi, içtimaiy jurnalist Amet Süleymanovğa üküm çıqardı.