Siyasiy esir Server Zekiryayev rfnıñ Tulsk vilâyetindeki müstemlekege yollandı

06 Sentâbr 2022

«Hizb ut-Tahrir»niñ «ekinci Bağçasaray gruppası» davasında maküm etilgen qırım faalcisi Server Zekiryayev ailesinen bağlanıp rfnıñ Tula vilâyetiniñ Donskıy şeerindeki №1 tüzetken müstemlekege yollanğanını haber berdi. Krım.Realiyi (‘Qırım.Kerçeklilker’), apayı Zarema Zekiryayevağa atıf eterek bunı bildire.

– Aqayım haberdar etti ki, Seyran Saliyevnen beraber o, Ufadan Râzan tarafına yollandı. Soñ olar Tulağa keldiler, bundan soñ da tahminen 1.5 kün boyunca yolda olıp Yaroslavlğa ketirildiler. Anda olar bir qaç kün bulunğan soñ Tulağa keri qaytarılıp müstemlekelerge atıldılar. Şu anda Server karantinde buluna. O, çoq vaqıt devamında bir noqtadan başqa noqtağa alıp ketirile edi, basamaq – em bedeniy, em de ruhiy tarzda zor bir ceryandır, – dep Zekiryayeva añlattı.

2017 senesi oktâbr ayında quvetçiler Bağçasaraynıñ üç sakinini apis ettiler. Bu Tımur İbrahimov, Marlen Asanov, Memet Belâlov, Seyran Saliyev, Server Zekiryayev ve Ernes Ametovdır. Federal Telükesizlik Hızmeti rusiyede ve işğal etkeni Qırımda yasaqlanğan «Hizb ut-Tahrir» teşkilâtında iştirak etmeleri içün qabaatladı.

2020 s. sentâbr ayında Rostov-na-Donu şeerinde cenübiy bölge arbiy makemesi «Hizb ut-Tahrir davası»nıñ ekinci Bağçasaray gruppasınıñ 8 iştirakçisine üküm çıqardı.