rusiyede mobilizatsiya başlağan soñ Türkiyege tahminen biñ qırımtatar ketti

28 Dekabr 2022

Yarımadada işğalcilerniñ başlağanları mobilizatsiya sebebinden Türkiyege tahminen biñ qırımtatar ketmege mecbur oldı. Türkiye tış işleri naziriniñ muavini Yasin Serimniñ sözlerine atuf eterek, Ukraina Prezidentiniñ Qırım Muhtar Cumhuriyetindeki vekilliginiñ matbuat hızmeti bu aqqında haber berdi.

– Serim bey qayd etti ki, rf topraqlarında ve işğal etilgen Qırımda cinaiy mobilizatsiya başlağandan berli Türkiyege tahminen 1000 qırımtatar ketmege mecbur oldı, – beyanatta yazıldı.

Türkiyeni ziyaret etkende Ukraina prezidentiniñ QMCdeki daimiy vekili Tamila Taşeva, nazirniñ muavininen körüşip, şu cümleden Türkiyede Qırım künlerini teşkil etmesi içün TİNne teşekkü bildirdi.

Bundan ğayrı, taraflar siyasiy mabüsler meselesini muzakere ettiler. RFnen alâqaları çerçivesinde Türkiye içün bu mevzu aktual qala.