rusiye, yañı mobilizatsiya dalğasını azırlay

30 Avgust 2023

Vaqtınca işğal etilgen Qırımda rf Silâlı quvetleriniñ ordusına yañı mobilizatsiya dalğasını azırlaylar. Facebookta Ukraina Prezidentiniñ Qırım MCdeki Vekilligi bu aqqında haber berdi.

İşğal memuriyeti tamam merkeziy yalı kenarında mobilizatsiya noqtalarını aça. Olardan biri Aluştada faalca “çalışa”. Bu, ruslarnıñ işğal etilgen Qırımda yañı mobilizatsiya dalğasını azırlamalarınen bağlıdır.

Şu cümleden, Aqyar arbiy komissarlığında olar oturışlar keçireler ve talimat bereler. Politsiya ve rusiye gvardiyasınıñ işçileriniñ ozğarmasınen mobilizatsiya şeadetnamelerini berecekler. Mobilizatsiyadan qaçmağa ıntılğan insanlarğa ayrıca diqqat ayırılacaq. İşğalciler, 30 biñge qada insannı mobilizatsiya etmege ve 10 biñge qadar insannı müddetli hızmetke almağa planlaştıralar.