Rus quvetçileri, qırımtatarlarnı daa çoq taqip etmege başladılar – Qırım ğayesi

24 Aprel 2023

Aqmescit, Canköy ve Bağçasaray şeerlerindeki qırımtatarlarnıñ yaşağanları yerlerde rus quvetçileri taqibini quvetleştireler. Bölgede vaziyetni talil etip, “Qırım ğayesi” içtimaiy areketi bu aqqında haber berdi.

Uquq qorçalayıcılarnıñ bildirgenlerine köre, yerli sakinler, soqaqlarda yavaş-yavaş ketken ya da saatlerce bu meskün yerlerniñ kirişinde turğan tonlanğan maşnalarnı daa çoq köreler.

– Sabadan aqşamğace yolnıñ burulışında boz “Priora” tura. Maşnada insanlarnıñ oturğanlarını körmek mümkün. Anda bütün kün boyunca ne yapqanları belli olmay, – dep “Qırım ğayesi” qayd etti.

Aynı zamanda qırımtatarlarnıñ yaşağanları yerler içün tipik olmağan maşnalarnıñ peyda olması kösterimli tarzda arttı. Em de aynı yerlerde qayd etildi. Bu, rus quvetçileriniñ diqqatınıñ quvetleşmesi ve qırımtatarlarnı taqip etmege qatılğan insanlarnıñ sayısınıñ artmasını köstere, dep “Qırım ğayesi” tüşüne. 

Qayd etmek kerek ki, bu malümat resmen tasdıqlanmadı.