Rus esirliginden “Azovstal”nıñ paratibbiyetçi Asan İsenaciyev azat etildi

03 Yanvar 2023

Dekabr ayınıñ 31-inde azat etilgen 140 ukrain arbiy asekeri arasında Mariupolnı qorçalayıcı ve “Azovstal”dan paratibbiyetçi Asan İsenaciyev.

Meclisniñ başı Refat Çubarov azat etilgen qırımtatarnen körüşmek içün Sumı şeerine ketti

– Asan aynı şekilde külümsirey, o ğayretli, amma pek azdı. Biraz vaqıt devamında Asan ve rus esiliginden azat etilgen başqa askerler arbiy hastahanede buluna ediler, çünki ciddiy tibbiy reabilitatsiyapa ve tedaviylemege ihtiyacı bar. Amma hastahanede olğanda Asan ve dostları yaqınlarınen, arqadaşlarınen ve askerdeşlerinen körüşe bilirler: qaramanlarımız endi serbestlerdir, – dep Refat Çubarov añlattı.

Tolu miqyaslı tecavuznıñ ilk kününden Asan İsenaciyev askerler ve vatandaşlarnıñ ayatlarını qurtara edi.

2022 senesi mayıs ayında qurşun, açlıq ve ilâçsızlıqtan ölgen vatandaşlar ve askerlerniñ ayatlarını qurtarmağa yardım etmek ricasınen türk akimiyetine muracaat etti.