rfnıñ tecavuzından berli “itibardan tüşürüv”de beş yüz Qırım sakini qabaatlandı

21 Sentâbr 2023

RFnıñ Ukranağa tolu miqyaslı tecavuzından berli işğal etilgen Qırımnıñ 472 sakini, rus ordusını “itibardan tüşürüv” maddesine mücibi qabaatlandı. “Qırım ceryanı” uquq qorçalayıcı teşkilâtınıñ esabatında mezkür malümat bildirildi.

Uquq qorçalayıcılarnıñ nezaretine köre, 424 davada Kremlniñ kontrol etkeni makeme, memuriy ceza bermege qarar bergen.

Esabatta bildirildi ki, “ordunı itibardan tüşürüv” aqqında bütün davalarnıñ eñ az 80%-i, vatandaşlarnıñ içtimaiy ağlardaki postları ya da ağız ifadeleri sebebinden açılğan. Protokol tizilgen kün makemeler, avtomatik olaraq diñleyiciler ve matbuat olmadan, qapalı rejimde qararlarnıñ çoqusını bergenler.

“Bir buçuq senedir ordunı itibardan tüşürüv aqqında madde, Qırım topraqlarında cenkken qqarşı ve ukrain taraflı nazar noqtalarnı yoq etmek içün tek bir usul olaraq faalca qullanılır, dep Qırım.Aqiqat haber berdi.

2022 senesi saban ayında Rusiyede rus ordusı aqqında böyle degen sahte malümat ve onıñ areketlerini itibardan tüşürüv içün cinaiy ve memuriy cevapkârlıq qanunı aqqını aldı. Bir buçuq sene devamında bu maddelerge mücibi akimiyet, biñlerce memuriyet ve yüzlerce cinaiy dava açtı.