Qırımtatar halqı Meclisiniñ «Qırımtatar halqı qurultayı delegatlarını saylav nizamnamesi leyhasını işlev boyunca işçi gruppası aqqında»ki QARARI

13 Noyabr 2012

Qırımtatar halqı 6-ncı çağırılış Qurultayına delegatlarnı saylav boyunca merkeziy saylav komissiyası tarafından teklif etilgen variantnı muzakere eterek, Qırımtatar halqı qurultayı delegatlarını saylav nizamnamesi leyhasını işlevniñ ketişatı aqqında malümatnı diñlegen soñ Qırımtatar halqı Qurultayı delegatlarını saylav nizamnamesini tasdiqlamaq maqsadında

Qırımtatar halqınıñ Meclisi qarar bere:

1) Qırımtatar halqı 6-ncı çağırılış Qurultayına delegatlarnı saylav boyunca merkeziy saylav komissiyası tarafından teklif etilgen Qırımtatar halqı qurultayı delegatlarını saylav nizamnamesi leyhasını işlev boyunca İş gruppası Qırımtatar halqı Meclisiniñ aşağıdaki azalarından tertip etilsin:

1. Cemilev Mustafa İş gruppasınıñ başı

2. Çubarov Refat İş gruppası başınıñ muavini

3. İlyasov Remzi İş gruppası başınıñ muavini

4. Asaba Mustafa İş gruppasınıñ azası

5. Qadırov Sinaver İş gruppasınıñ azası

6. Qaybullayev Şevket İş gruppasınıñ azası

7. Qurtümerov Zevcet İş gruppasınıñ azası

8. Mamutov Bekir İş gruppasınıñ azası

9. Smedlâyev Zair İş gruppasınıñ azası

10. Çiygoz Ahtem İş gruppasınıñ azası

11. Yunusov Lemmar İş gruppasınıñ azası

2) İş gruppasına 2012 senesi noyabr 24-ke qadar Qırımtatar halqı Qurultayı delegatlarını saylav nizamnamesi leyhasını işlemek ve Meclisniñ nevbetteki toplaşuvına muzakere etmek içün kirsetmekni avale etmek.

Mustafa Cemilev
Qırımtatar halqı Meclisiniñ reisi