Qırımnıñ sakini olğan 38 siyasiy mabüsniñ sağlıq meseleleri bar

26 Mayıs 2023

Qırımda siyasiy maqsatlı taqiplerniñ 150 qurbanından eñ az 38 insannıñ kritik hastalıqları ya da saqatlığı bar. Uquq qorçalayıcı teşkilât “QırımSOS” bu aqqında haber berdi. Esasen tutuv yerleriniñ şartları, sağlıqnıñ yaramazlaşmasınıñ ya da hastalıqlarnıñ peyda olunmasınıñ sebebi ola.

– Tutuv yerleriniñ canavar şartlarınıñ sebebinde Qırımda siyasiy maqsatlı taqiplerniñ qurbanlarınıñ hronik hastalıqları yaramazlaşalar. Mevcut bilgilerge köre, Qırımda siyasiy maqsatlı taqiplerniñ eñ az 38 qurbanınıñ sağlıqnen kritik meseleleri bar. Olardan 30-ı – 30-50 yaşındaki insanlar ya da pensiyacılar, – dep QırımSOSnıñ analitikacısı Yevheniy Yaroşenko ayttı.

Onıñ sözlerine köre, yaramay tutuv şartları neticesinde sağlam insanlar bile hastalanmağa başlaylar. SİZOda pek çoq insan bulunğanından, binalarnıñ yaramay sanitar vaziyeti olğanından, tibbiy yardım olmağanından ve tevqif etilgen insanlar işkence çekkenlerinden sebep Kremlniñ Qırımdaki reineleri ölüm telükesi astında bulunalar.