Qırımnıñ işğali devrinde 55 siyasiy mabüs azat etildi

14 Fevral 2024

Qırımnıñ işğali devrinde rus apishanelerinden 55 siyasiy mabüs azat etildi, olardan 34-ü qırımtatar halqınıñ vekilidir.

Qırımtatar Maaliy Merkezi, azat etilgen insanlar cedvelini yayınladı.

Cemaat teşkilâtınıñ bilgilerine köre, Rusiye tarafından Qırım yarımadasınıñ işğal devrinde siyasiy mabüsler ve siyasiy sebeplerden taqip olunğan insanlarnıñ sayısı 307 oldı. Olardan 55 insanı endi azat etildi, 34-ü qırımtatar halqınıñ vekilidir.

“Qırım işğal etken soñ Rusiye Federatsiyası qanunlarını öz menfaatına qanunsız qullanaraq, yarımadada qırımtatarlarğa ve ukrain taraflı faalcilerge qarşı repressiyalarnı yapmağa başladı. İnsanlarnı muntazam tarzda tutalar ve tevqif eteler. Siyasiy sebepli davalar çerçivesinde tevqif etilgen insanlarnıñ sayısı er sene artıp tura”, – dep bildirildi.