Qırımda rus kateri “Mangust” yoq etildi 

06 Mayıs 2024

2024 senesi mayıs ayınıñ 6-sında işğal etilgen Qırımda Magura V5 ücüm deñiz dronınıñ yardımınen Ukraina MNniñ Bİİniñ “Group 13” bölügi, rusiyeniñ 12150 “Mangust” leyhalı tez qaravul katerini yoq etti.

Telegramda Ukraina MNniñ Baş istihbarat idaresi bu aqqında haber berdi.

RF QD flotu ve mahsus hızmetler suvlarnı qaravul etmek, diversiyacılarnen küreşmek ve qıdırıcı-qurtarıcı operatsiyalar içün bu türlü katerlerni çoq maqsatlı tev gemiler olaraq qullanalar.

Bİİ qayd etti ki, 2000 senesinden başlap “mangustlar” yapıla. Katerniñ uzunlığı 20 m ve keñligi 5 metrdir. Mahsus askerler haber berdiler ki, rus gemisiniñ eñ azamiy tezligi 50 tüyümdir.

“Tez katerlerniñ yañartılğan versiyalarında esas ştatlı silânen (14,5 mm kalibrli top tertibatı) ücüm uzaqtan idare etilgen moduller bar. Bundan ğayrı, “mangust”nıñ kenarında ruslarnıñ eki avtomatik top tertibatı AGS-17 ve el diversiyalarğa qarşı top tertibatı DP-64 ve “İgla” ya da “Verba” türlü eki PZRK-sı bar, ― dep ukrain istihbaratı haber berdi.

Olarnıñ bilgilerine köre, yoq etilgen “mangust”nıñ tahminiy fiyatı 3 million dollar.