Qırımda rf ordusını “itibardan tüşürüv” aqqında 472 qarar berildi

03 Noyabr 2023

Bir sene ve 9 ay devamında Qırımdaki işğal makemeleri, rus ordusını sanki itibardan tüşürgen isanlarğa qarşı 472 memuriy mesuliyet qararı berdiler. QırımSOS analitikacısı Yevheniy Yaroşenko bu aqqında haber berdi.

“2022 senesi saban ayınıñ 4-ünden 2023 senesi orta küz ayınıñ 31-ine qadar Qırımdaki işğal quvetleri, rus ordusını sanki itibardan tüşürgen (rf MBQniñ 20.3.3. maddesi) isanlarğa qarşı 472 memuriy mesuliyet qararı berdiler. Olardan 27-si ise bu sene orta küz ayında berildi”, – dep analitikacı hulâsa çıqardı.

Bu devirde Qırımdaki böyle degen makemeler, rus ordusını sanki yañıdan itibardan tüşürgen (rf CQniñ 280.3. maddesi) insanlarğa qarşı cinaiy davalarğa mücibi 5 üküm çıqardılar. Bu sene orta küz ayında olardan biri çıqarıldı. Halq ögündeki bir insan olmağan ve Aqmescitteki ticaret noqtalarına saip olğan Dmıtro Kozlü aqqında laf etemiz. Bundan ğayrı, 2022 senesi saban ayınıñ 2-sinde Qırımdaki “makemeler”, rus ordusı aqqında “sahte malümat” (rf CQniñ 207.3. maddesi) içün cinaiy davalarğa mücibi 2 üküm çıqardılar.