Qırımda “Nenkecan” mecmuasınıñ muarriri Zera Bekirovanıñ evini tinttiler

06 Fevral 2024

İşğal etilgen Qırımda rus mahsus hızmetleri, “Nenkecan” mecmuasınıñ muarriri Zera Bekirovanıñ evini tinttiler.

Prezidentniñ QMCdeki temsili Facebook saifesinde bu aqqında haber berdi, dep Suspilne bildirdi.

“İşğalciler, qırımtatar yazıcısı ve jurnalistini taqip eteler. Qara qış ayınıñ 26-sında işğalciler, “Nenkecan” mecmuasınıñ baş murriri Zera Bekirovanıñ evini tinttiler”, – dep bildirildi.

Qayd etildi ki, saba maalinde işğalciler onıñ evine ruhset almayıp kirdiler, gece ise onı yiberdiler. Bekirovadan ğayrı, onıñ qızını da soradılar.

Hatırlatamız ki, Zera Bekirova, belli qırımtatar jurnalisti, Yañı Dünya gazetasınıñ eski baş muarriri, publitsisti, Ukraina Yazıcıları Birleşmesiniñ azasıdır.