Qırımda işğalciler mobilizatsiyanıñ ekinci dalğasını azırlaylar

02 Dekabr 2022

Vaqtınca işğal etilgen Qırım MCde arbiy komissarlıqlarnıñ işçileri, mobilizatsiyanıñ daa bir dalğasını azırlaylar.

Ukraina Silâlı Quvetleriniñ Baş Ştabınıñ mesleatçısı Oleksandr Ştupun bu aqqında haber berdi.

– Mevcut olğan malümatqa köre, Keriç şeerindeki devlet müessiselerinde çalışqan ve hızmet etmeli olğan kişilerniñ bilgileriniñ aqiqatlığı isbatlana, – dep Ştupun ayttı.

Herson vilâyetiniñ vaqtınca işğal etilgen topraqlarında duşman filtr lagerlerini quvetleştirdi.

– Şu cümleden, Geniçesk şeerindeki kiriş-çıqış yoqlav keçitinde işğalciler, yerli sakinlerniñ vesiqaları ve telefonlarını baqalar, – dep Baş ştabnıñ mesleatçısı añlattı.