Qırımda işğalciler kütleviy tintüvlerni keçirdiler

24 Avgust 2023

İşğal etilgen Qırımda rus quvetçileri tintüvlerni keçirgen soñ beş qırımtatarnı tuttılar. Olarnı Aqmescitteki TFHniñ idaresine ketirdiler. Qırım birdemligi Facebookta bu aqqında haber berdi.

Seydamet Mustafayev, Ruslan Asanov, Abdulmecit Seitumerov, Eldar Yakubov, Amethan Umerov ve Remzi Nemetulayev tutuldı.

“Faalci Seydamet Mustafayevniñ evini tintmege bitirdiler. TFHniñ operativcileri bildirdiler ki, onı Aqmescimtke ketirecekler. Faalci Abdulmecit Seitumerovniñ evini tintmege bitirdiler. Aqrabalarına bildirdiler ki, onı Aqmescitteki TFHniñ İdaresine ketirecekler. Eldar Yakubovnıñ evine acele yardım maşnasını çağırdılar. Onıñ altı balasından biriniñ ateşi bar. Amethan Umerov ve Remzi Nemetulayevniñ evlerinde de taqiqat areketleri bitti. Aqrabaları haber berdiler ki, olarnı Aqmescitteki TFHniñ idaresine ketireler”, – deo bildirildi.