Menu

Qırım ressamı Bohdan Ziza Zelenskıynı onı deñiştirmege rica ete

12 Yanvar 2023
Qırım ressamı Bohdan Ziza Zelenskıynı onı deñiştirmege rica ete

Kezlevniñ işğal memuriyetiniñ binasını mavı ve sarı boyanen boyalağan, Qırımda qanunsız olaraq tutulğan ressam Bohdan Ziza, Ukraina Prezidenti Volodımır Zelenskıyğa onı deñiştirmek ricasınen muracaat etti.

İnstagramda Bohdan Zizanı destek etici uquq qorçalayıcı bir leyha bunı bildirdi.

– Bohdan, Ukraina Prezidenti V.O. Zelenskıyğa deñişüv ricasınen muracaat ete – onı ve işğal etilgen Qırımda ve rusiyeniñ topraqlarında bulunğan başqa siyasiy mabüslerni deñiştirmege rica ete, – beyanatta yazıldı.

İşğalciler Bohdan Zizanı Aqmescitteki SİZOdan Rostov-na-Donuğa (rusiye) ketirmeliler, anda da oña üküm çıqaracaqlar.

Bohdan Zizanı rf cqniñ dört maddesi (terakt etüv; terakt etüv telükesi; terrorcılıqqa çağıruv; siyasiy sebeplerden vandalizm) içün qabaatlaylar.

2022 senesi mayıs ayınıñ 16-sında Bohdan Ziza, Kezlevniñ işğal memuriyetiniñ binasını mavı ve sarı boyanen boyaladı ve o yerge yandırıcı bir qarışmanen tolu şişeni attı. Aynı kün tecavuzcılar onı tevqif etip, azapladılar ve qorqutalar, basım astında böyle degen bir “itiraf sözü”ni videoğa çıqardılar.