Qırım platforması parlament sammitinde orta beyanname bildirildi

25 Oktâbr 2023

_{Foto: lb.ua}

Halqara “Qırım platforması” parlament sammitiniñ orta beyannamesinde iştirakçiler, Rusiye Federatsiyasına qarşı sanktisyalarnı çoqlaştırmağa devmat etmek niyetini bildirdiler. Ukraina Yuqarı Şurasınıñ başı Ruslan Stefançuk bunı bildirdi, dep Qırım.Aqiqat haber berdi.

“Netice vesiqasında sammit iştirakçileri qayd ettiler ki, haqlara olaraq tanınğan sıñırlarına mücibi Ukrainanıñ topraq bütünligini qaytaruv, Qırım ve Aqyar şeeriniñ işğalden azat etilmesinen beraber, Ukrainanıñ devlet suverenitetini temin etüv – cenk bitirmek ve bölgede devamlı barışıq ilân etmek içün esas şartlardır”, – dep qayd etti o.

Parlamentçiler, beyanname vastasınen Rusiyeniñ keçirgeni işğal etilgen topraqlarda böyle degen “referendumlar” ve “saylavlar”nı takbih ettiler.

Sammitniñ azası olğan ülkeleriniñ vekilleriniñ RFa qarşı sanktisyalarnı qullanmaq ve çoqlaştırmaq, RFa tesir etmek maqsadınen diplomatik, iqtisadiy ve başqa tedbirlerni keçirmek, sanktiyalardan qaçınmasına yol bermemek niyeti bar.