«Qırım inkişafı vaqufı» general Pötr Grigorenko aqqında hatırlavlar kitabını çıqaracaq

14 Iyün 2013

“Qırımnıñ asabalığı” leyhasını amelge keçirüv çerçivesinde “Qırım inkişafı vaqufı” Hayriye teşkilâtı cemiyet, milliy medeniyetler ve siyasiy qurumlarnıñ inkişafına qıymeti ölçüsiz isse qoşqan İsmail Gasprinskiy, Pötr Grigorenko ve Andrey Saharov kibi şahıslarnıñ variyetini teşviq etken yarıqlandıruv, informatsion ve tasil programmalarnı alıp bara.

2013 senesi mayısnıñ soñunda “Qırımnıñ asabalığı” leyhasını amelge keçirüv çerçivesinde “Qırım inkişafı vaqufı” Hayriye teşkilâtı büyük ukrain cemaat erbabı, uquqqoruyıcı, general Pötr Grigorenko aqqında hatırlavlar kitabını azırlavğa kiriştiler.

Bu aqta Fondnıñ matbuat merkezi haber ete. Ukrainada kitapnıñ neşiri generalnıñ oğlu Andrey Grigorenkonıñ teşebbüsi ve reberligi altında yapılıp, bunıñ kibi de bu işte “General Pötr Grigorenkonıñ fondı” (Nyü-York, www.grigorenko.org), “Harkov uquqqoruv teşkilâtı” ” (Harkov, www.khpg.org) iştirak eteler.

Leyha iştirakçileri kitapnıñ rus tilinde variantını 2013 senesi küzde, ukrain tilinde ise 2014 senesi neşir etmekni planlaştıralar. Bundan da ğayrı kitap Rusiyede ayrıca basılacaq.

Malümat içün:

Petr Grigorenko Börisovka köyünde, Zaporojyede doğdı. Harkov tehnologik institutta, Baş ştab Akademiyasında oqudı. 1939-1945 senelerde cenkte oldı. 1945 senesinden Frunze adına Moskva Arbiy akademiyasında ocalıq yaptı. 1961 senesi stalinizm ve Hruşçöv siyasetini tenqid etti. 1964 senesi bütün mukâfatları ve nefaqasından mahrum etildi.1964-1965 ve 1969-1971 senelerde ruhiy hastalar hastahanesinde zorluqnen tedaviylendi. Onı defalarca yaqaladılar, çalışmağa bermediler. 1976 senesi Moskva Helsinki gruppasınıñ qurucı azası oldı. Soñra Ukraina Helsinki gruppasını qurmağa yardım etti ve kendisi de oña kirdi. Bu gruppa SSSR dissidentleriniñ merkezi oldı. 1977 senesi oña yurt tışına ameliyat yapmağa ketmege izin berip, qaytmaqnı yasaq eteler ve vatandaşlıqtan çıqaralar. 1987 senesi fevral 21-de general vefat ete ve Nyü-York civarındaki Baund-Brukteki ukrain mezarlığında defn etile