Menu 
On qırımtatar adamınıñ tevqif müddeti uzatıldı
03 Mayıs 2024
Rus işğal makemeleri, “Hizb ut-Tahrir” davasınıñ birinci Canköy ve altıncı Bağçasaray gruppalarınıñ tevqif müddetini uzattılar.
“Qırım birdemligi” cemaat teşkilâtı bu aqqında haber berdi.
“Hizb ut-Tahrir”niñ birinci Canköy gruppası
Rostov-na-Donudaki Cenübiy bölge arbiy makemesi faalci Enver Kroş, içtimaiy jurnalist Vilen Temeryanov, Rinat Aliyev ve Edem Bekirovnıñ tevqif müddetini bu sene arman ayınıñ 29. kününe qadar uzattı, dep advokat Emil Kurbedinov haber berdi.
O qayd etti ki, Seityağa Abbozov ev tevqifi astında bulunmağa devam ete. Bundan ğayrı, o qoştı ki, rus makemesi qorçalayıcılarnıñ delillerini körmemezlikke urdı ve oturışta teneffüs bildirdi.
2024 senesi saban ayında işğal etilgen Bağçasaray ve Canköy rayonındaki evlerni qanunsız olaraq tintken soñ FSBden rus quvetçileri faalcilerni tuttılar.
Tutulğan adamlar makeme oturışlarına barğan, qırım siyasiy mabüsleriniñ ailelerine yardım etken faalcilerdir. Episilerini “Hizb ut-Tahrir” davasına ait olmağa qabaatladılar.
“Hizb ut-Tahrir”niñ altıncı Bağçasaray gruppası
İşğal etilgen Aqmescitteki Kıyiv rayon makemesi “altıncı Bağçasaray gruppası”nıñ qırımtatar faalcilerine “qorçalayıcı müddeti”ni uzattı: Memet Lümanov, Aziz Azizov, Rustem Osmanov ve Mustafa Abduramanov. Arman ayınıñ 2-sine qadar olar SİZOda qalacaqlar.
Aziz Azizovnıñ advokatı Oleksiy Ladin böyle degen makemeniñ qararını tefsir etti. O qayd etti ki, işğal makemecileri “taqiqatçılar”nı daa bir kere destek ettiler, imaye etkeni adamğa ise psihiatrik ekspertita keçmege emir ettiler.
Belli oldı ki, Remzi Kurtnezirov “ev tevqifi” astında buluna. Eski siyasiy mabüsniñ sağlıq alına baqmadan işğal “makemesi” oña evinden bile çıqmağa izin bermedi.
2022 senesi arman ayında rus quvetçileri, işğal etilgen Canköyden qırımtatar faalcilerine qarşı dava açtılar. “Qabaatnıñ delilleri” olaraq namazlar aqqında camiden laflarınıñ arhiv etilgen aydiosını aldılar.
