“Noman Çelebicihan adına batalyon davası”nda 13 qırımtatar adamına üküm çıqarıldı

08 Dekabr 2022

Qırım işğal etilgen soñ Noman Çelebicihan adına batalyonda sanki iştirak etmesi içün 13 qırımtatar adamına üküm çıqarıldı. QırımSOSnıñ analitikacısı Yevhen Yaroşenko bu aqqında haber berdi.

– Qırım işğal etilgen soñ Noman Çelebicihan adına batalyonda sanki iştirak etmesi içün eñ az 16 kişi qabaatlandı. Eñ az 13 kişige üküm çıarıldı, olarnıñ umumiy müddeti 93 sene ve 6 aydır, – dep Yevhen Yaroşenko añlattı.

Fevral ayınıñ 24-ündeki rfnıñ tolu miqyaslı tecavuzından soñ epis etilgen 16 kişiden 10-u tutuldı.

2022 senesi iyün ayınıñ 1-inde rf yuqarı makemesi mezkür batalyonnı terror teşkilâtı olaraq tanıdı. Keçenlerde QırımSOSnıñ analitikacısı Yevhen Yaroşenko haber berdi ki, rus işğal akimiyeti, rikâyetkâr olmağan qırımtatarlarnı taqip etmek içün Noman Çelebicihan adına batalyon davasını “universal” bir madde olaraq qullanır.

Vaqtınca işğal etilgen Qırımdaki siyasiy maqsatlı taqiplerniñ epise etilgen qurbanlarınıñ umumiy üküm müddeti 1339 sene ve 2 aydır.