Neyijpapa Mustafa Cemilevnen körüşti

07 Mayıs 2024

USQniñ Arbiy-Deñiz quvetleriniñ komandanı vitse admiral Oleksiy Neyijpapa qırımtatar halqınıñ lideri, halq mebusı Mustafa Cemilevnen körüşip, Ukraina Silâl Quvetlerine, ayrıca ukrain flotuna yardım etkeni içün teşekkür bildirdi.

Mayıs ayınıñ 7-sinde USQniñ ADQniñ matbuat hızmeti Telegramda bu aqqında haber berdi.

“Vitse admiral Oleksiy Neyijpapa, Ukrainanı qorçalamağa isse qoşqanı ve Ukraina Silâlı Quvetlerine, ayrıca milliy flotuna yardım etkeni, ve bugün Ukraina Mudafaa Quvetlerinde hızmet etken ve rus tecavuzınen cenkleşkende ölgen oğul ve qızları içün bütün qırımtatar halqına teşekkür bildirdi”, — dep bildirildi.

Bundan ğayrı, olar, fedaları mayıs ayınıñ 18-inde añğan 1944 senesi qırımtatar halqınıñ sürgünligini şimdi Qırımda işğalcilerniñ qırımtatarlarğa repressiyalarınen beñzettiler. Bundan başqa, Neyüjpapa ve Cemilev yaqın kelecekte ve yarımada işğalden azat etilecek soñ işdeşligine dair fikirlerinen paylaştılar.