Mecliste Yunan-roma küreşi dünya çempionatınıñ ğalibi mukâfatlandırıldı

15 Sentâbr 2022

Fotoresim: QIRIM.News

Qırımtatar Milliy Meclisinde Yunan-roma küreşi dünya çempionatınıñ tunç ğalibi İrfan Mirzoyev mukâfatlandırıldı.

Avgust ayınıñ 17-21 künlerinde Bulğaristannıñ paytahtı Sofiya şeerinde yarışlar keçirildi.

Meclisniñ başı Refat Çubarov sportçılarnıñ muvafaqiyetlerini maliyeviy tarzda qayd etti.

Körüşüvge qırımtatar halqınıñ lideri Mustafa Cemilev, Qırımtatar Milliy Meclisiniñ azası ve Qırımtatar Maaliy Merkeziniñ idaresiniñ başı Eskender Bariyev, ‘Qırım Milliy Varqlı Fondu’nıñ başı Lenur Mametov ve başqaları qatıldı.

İrfan Mirzoyevniñ QIRIM.Newske añlatqanına köre, medal almaq içün o çoq ğayret kösterdi ve tedaviyleştirmegen travmalarğa baqmadan yarışmağa ketti. Sportçı itiraf etti ki, altınnı qazana bilecegine inana edi. Faqat Azerbaycan ve Romaniyadan raqipleri itibarlı kündeş oldılar.