Meclisniñ Kooridnatsiya merkezi ve Qırım Milliy Varlıq Fondu cebege bir maşna berdiler

02 Fevral 2023

Qırımtatar Milliy Meclisiniñ gumanitar meseleler koordinatsiya merkezi ve Qırım Milliy Varlıq Fondu, Herson vilâyetiniñ Geniçesk rayonınıñ Novooleksiyivka qasabasınıñ ve Zaporijjâ vilâyetiniñ Melitopol şeeriniñ sakinleri olğan ukrainalılar ve qırımtatarlarnıñ hızmet etkeni 34. ayrı motopiyade batalyonınıñ astbölüginiñ askerleriniñ ihtiyaclarına Nissan Navara pick-up`ını berdiler. 

Qırımtatar Milliy Meclisiniñ başı Refat ÇUBAROVnıñ ve Ukraina milliy mebusı, Meclsiniñ Başınıñ muavini Ahtem ÇİYGÖZniñ iştiraklarınen maşna berildi.

Maşna berüv merasimi vaqtında Qırımtatar Milliy Meclisi, askerler içün maşnanı saylamağa, almağa ve ketirmege yardım etmeleri içün Pavlo YERLİMOVğa ve “Asterya” bölge teşebbüsleri merkezi” İTna teşekkür bildirdi.

34. ayrı motopiyade batalyonınıñ askerlerine, rus varvarlarınen cenklerşkende qaramanlıq ve cesür köstermeleri içün ayrıca minnetdarlıq bildirildi.

2014 senesi kiçik (fevral) ayda rus askerleriniñ Qırımğa tecavuzınen başlağan ve doquz senesir devam etken rus-ukrain cenki, Ukraina Silâlı Quvetlerine yardım etmege yönelgen ve inanılmaz tarzda semereli ve boldurmağan göñülliler areketini yarataraq, cemaatnı Ukraina devletini mudafaa etmege ögretti.

Ukrainanıñ içtimaiy cemaatını destek etmege yönelgen yüzlerce göñülli teşkilât, askerlerge telükeli ve zor künkil işni yapmağa – Ukrainanıñ topraqlarına sürip kirgen rus duşmanını yoq etmege – yardım etmege yönelgen ecnebiy ortaq teşkilâtları bar.