Meclisniñ Koordinatsiya merkezi Özbekistan ve Qazahistan elçiliklerinen işdeşligini başlattı

27 Sentâbr 2022

Qırımtatar Milliy Meclisiniñ Gumanitar meseleler koordinatsiya merkeziniñ idareleri olğan Yusuf Kurkçi ve Elvin Kadırovnen beraber Meclisniñ başı Refat Çubarov, Özbekistan Cumhuriyetindeki Fevqulâde ve Vekâletli Ukraina elçisi Mıkola Doroşenko ve Qazahistan Cumhuriyetindeki Fevqulâde ve Vekâletli Ukraina elçisi Petro Vrublivskıynen online şeklinde bir körüşüv keçirdi.

Qırımlılarnıñ rf ordusına qanunsız mobilizatsiyası ilân etilgen soñ Ukraina vatandaşlarınıñ – Qırımnıñ sakinleriniñ Özbekistan ve Qazahistanğa ketmeleri sebebinden bu ülkelerdeki Elçilikler ve konsul müessiselerinen işdeşlik meseleleri muzakere etidi.

Qayd etildi ki, Qazahistandaki qırımtatar diasporası da yardım etecek.

Yaqın kelecekte Qırımtatar Milliy Meclisiniñ ve Koordinatsiya merkeziniñ resurslarında muzakerelerniñ neticeleri ve alınğan bilgiler yayınlanacaq.

Qırımtatar Milliy Meclisniñ Facebooktaki saifesi:

QTMM | Facebook

Qırımtatar Milliy Meclisiniñ Gumanitar meseleler koordinatsiya merkeziniñ saifesi

https://www.facebook.com/mejlis.coordination.center/

Qırımtatar Milliy Meclisiniñ Gumanitar meseleler koordinatsiya merkeziniñ Telegram-kanalı

https://t.me/qirim_evacuate