Meclis, Tamır halqları kününe bağışlanğan numayışnı keçirecek

02 Avgust 2023

^{Foto: Ukrinform}

Arman ayınıñ 6-sında Kıyivde keçirilecek Halqara dünya tamır halqları kününe bağışlanğna tedbirge meraqlanğan vatandaşlarnı qatılmağa davet etemiz.

1994 senesi BMTnıñ Baş assambleyası, er sene arman ayınıñ 9-sında qayd etilgen Halqara dünya tamır halqları kününi (International Day of the World’s Indigenous People) belgiledi.

Halqara tamır halqları kününiñ belgilenmesinen insaniyet, tamır halqlarınıñ medeniyetleriniñ mensüp güzelligini ve olarnıñ öz dünya halqları ailesine qoyğanları mahsus isseni qayd ete. Aynı zamanda bu kün, çoq tamır halqınıñ qarşılaşqanı büyük qıyınlıqlar aqqında hatırlata – qabul etilmez miqtaslı yoqsullıq ve hastalıqlar, saipsizlik, ayırım ve esas insan aqlarını red etüv.

2021 senesi oraq ayınıñ 1-inde Ukraina Yuqarı Şurası, “Tamır halqları aqqında” qanun leyhasını tasdıqladı. Oña mücibi Ukraina tamır halqları arasında qırımtatarlar, qaraylar, qırımçaqlar. Allah böylece qarar berdi ki, Ukraina tamır halqları Qırım yarımadasınıñ toprağında şekillendiler.

2023 senesi arman ayınıñ 6-sında numayış vaqtında iştirakçiler, Obolon yalı kenarındaki beton taşlarındaki büyük qırımtatar bayrağını boyalamağa qatıla bilir. Bundan soñ “Ukainanı aşatamız. Ukrain Qırımınıñ lezeti” leyhasınıñ mobil aşhanesinden lezetli qırımtatar pilâvını aşaya bilir.

Tedbir yeri: Obolon yalı kenarı soqağında parking, Kıyiv ş. 

Tarih: 2023 senesi arman ayınıñ 6-sı, saat 10:00da.

Teşkilciler: Qırım MC Musulmanları Diniy İdaresinen beraber Qırımtatar Milliy Meclisi, Qırım Milliy Varlıq Fondu ve EVKAF UKRAINE Hayriye fondunıñ yardımınen.

Diqqat! Eger numayış vaqtında ava telükesi olsa, sığınaqlarnıñ adreslerini yazarmız: 

• Prıriçna sq., 9

• Prıriçna sq., 3

• İvasüka caddesi, 20А