Meclis reisiniñ birinci muavini Refat Çubarov mesheti türkler teşkilâtlarınıñ forumında iştirak ete

15 Noyabr 2012

Meclis reisiniñ birinci muavini, Bütün dünya qırımtatar kongressiniñ prezidenti Refat Çubarov mesheti türkler teşkilâtlarınıñ forumında iştirak ete.

Türkiyeniñ Bolu şeerinde keçirilmekte olğan bu forumda mesheti türklerniñ doquz devletteki teşkilâtları, şu cümleden Rusiyedeki mesheti türklerniñ “Vatan” teşkilâtınıñ vekilleri de bulundılar.

Forumnıñ açılışında Meclis reisiniñ birinci muavini Refat Çubarov çıqış yapıp, Forum teşkilâtçılarınıñ ricası boyunca qırımtatarlarnıñ sürgünlikte ve Vatanğa qaytqan soñ milliy areket usulları aqqında ikâye etecek.