Latviyanıñ vekilleri Meclisni ziyaret ettiler

13 Iyün 2024

Ukrainadaki Latviya Salâhiyetli ve Vekâletli Elçisi İlgvars KLAVA ve Latviya Seyminiñ başınıñ tış işleri ve startegik idare meseleleri mesleatçıları Yuris PEKALİS ve Edgars PUDZİS Qırımtatar Milliy Meclsini ziyaret ettiler.

Qırımtatar Milliy Meclisiniñ vekilleri arasında qırımtatar halqınıñ lideri, Ukraina halq mebusı Mustafa CEMİLEV, Qırımtatar Milliy Meclisiniñ Başı Refat ÇUBAROV, Meclisniñ Başınıñ muavini İlmi UMEROV, Meclisniñ azaları Abmecit SÜLEYMANOV ve Eskender BARİİEV ediler.

Körüşüvde rus işğalcilerinden Qırım azat etilecek soñ onıñ reintegratsiyasını muzakere ettiler. Ecnebiy vekiller, 2024 senesi baarde Rığa şeerinde (Latviya) Qırım platformasınıñ parlament sammitinde bu meselege qol tuttılar.

Qırımtatar Milliy Meclisiniñ vekilleri, tamır qırımtatar halqınıñ Ukraina devletiniñ terkibinde kimlik aqqına esaslanaraq, Qırımnıñ statusını milliy-topraq muhtariyetine deñiştirüv fikirlerini bildirdiler.

Qırımnıñ müstemlekesizleşüv meselesi, şu cümleden rus işğali devrinde Qırımnıñ demorgafik ve qavmiy ealisiniñ suniy deñiştirmesiniñ neticelerini yoq etmek içün kerekli olğan uquqiy tedbirlerden qaçınılmazlıq aqqında da fikirlerinen paylaştılar.

Bundan ğayrı, Qırımtatar Millyi Meclisi, Qırım platformasınıñ parlament sammitiniñ çerçivesinde iştirakçilerine Qırımnıñ kelecek azat etilmesi ve tamır halqını saqlamaq ve inkişaf ettirmek içün uquqiy şartlarnı yaratuvnen bağlı bütün meselelerni baqmağa yardım etecek daa bir tedbirni keçirmege teşebbüs ettiler.