Menu

KrımSOS: ukrain muzıkası içün qırımlılarnıñ taqipleri insaniyetke qarşı bir cinayet olaraq sayıla bilir

15 Sentâbr 2022
KrımSOS: ukrain muzıkası içün qırımlılarnıñ taqipleri insaniyetke qarşı bir cinayet olaraq sayıla bilir

Fotoresim: krymsos.com

rusiye ve reberleri eñ az eki halqara müessisede ukrain muzıkası sebebinden Qırımdaki taqipler içün mesüliyetke çeke bilirler. KrımSOSnıñ analitikacısı Yevhen Yaroşenko bu aqqında haber berdi.

– İşğalniñ 8,5 senesi boyunca Qırımda ukrain timsalleri, atributları ve ukran taraflı fikirleri içün insanlar muntazam tarzda taqip etileler. Bu kontekstte qırımlılarnıñ ukrain muzıkası içün taqipleri insaniyetke qarşı cinayetler olaraq tanına bilir. Buna ait olğan kişiler Halqara ciniy makemede mesüliyetke çeke bilirler, – dep Yevhen Yaroşenko añlattı.

Bağçasaray rayonındaki qırımtatar toyda çalğan ukrain türküsi içün taqipler şahsiy ve aile ayatına sayğı aqqınıñ bozmasıdır. Bundan ğayrı bu, fikirlerni ifade etüv aqqını da boza.

– Avropa insan aqları makemesi rusiyeni fikirlerni ifade etüv aqqını ve şahsiy ve aile ayatına sayğı aqqını bozğan bir devlet olaraq mesüliyetke çeke bilir, – dep Yevhen Yaroşenko qoştı.

Sentâbr ayınıñ 10-unda vaqtınca işğal etlgen Qırımnıñ Bağçasaray rayonında qırımtatar bir toyu oldı. Anda dicey Ahtem Gemeci ‘Çervona kalına’ (‘Qırmızı qanser’) türküsini çaldı. Endi sentâbr ayınıñ 13-ünde böyle degen ‘Bağçasaray rayon makemesi’ altı kişige, bu cümleden dicey, restorannıñ saibi, kelin ve kiyevniñ aqrabalarına para cezası berdi ve tevqif etti.

İnsanlar, işğal qanunlarınıñ eki maddenisi (rus ordusını itibardab tüşüriv ve rfnda yasaqlanğan timsaller ve atributlarnı cemaat ögündeki kösterüv) bozğanları içün qabaatlandırıla. Keçkende Siç oqçularınıñ ve UİOnıñ askerleriniñ sıq yırlağanları “Çervona kalına” türküsi böylece tanındı.